Úrslit í ljósmyndasamkeppni Símenntunar 2023

Þær Tanja Ósk Bjarnadóttir og Þórunn Birna Guðmundsdóttir báru sigur úr býtum í ljósmyndasamkeppni Símenntunar sem haldin var í sumar.

Þema keppninnar var „Fjölmenning“ og bárust margar skemmtilegar myndir.

Dómnefndin sem skipuð var af starfsfólki Símenntunar var sammála um að mynd þeirra Þórunnar og Tönju „Lífið í lit“ sýndi sannarlega fjölmenningu og fjölbreytni en hún er tekin á bókasafni Akraness og er af litríkum barnabókum á mismunandi tungumálum.

Jovana Pavlovic fjölmenningarfulltrúi Símenntunar afhenti þeim Þórunni og Tönju viðurkenningu fyrir myndina nú á Vökudögum og vill Símenntun jafnframt þakka öllum öðrum þátttakendum fyrir þeirra framlag.

Símenntun hefur um margra ára skeið haft fjölmenningu að leiðarljósi í starfsemi sinni og er ljósmyndakeppnin liður í að vekja athygli á málefninu.