Námskeið fyrir fyrirtæki og stofnanir

Símenntun á Vesturlandi býður fyrirtækjum og stofnunum upp á fjölbreytt úrval af fræðslu í tengslum við eflingu mannauðs og hagnýtingar í rekstri. Hægt er að sérsníða námskeið að þörfum fyrirtækja og stofnana, hvort sem það eru stök námskeið eða að framfylgja fræðsluáætlun til lengri tíma.

Símenntun hannar og framleiðir rafrænt fræðsluefni og fræðslu á staðnum með vinnustofum og/eða fyrirlestrum.
Flestir atvinnurekendur geta fengið styrk fyrir allt að 90% af verði námskeiða í gegnum Áttin.is

Hér má finna lista yfir ýmis sérsniðin námskeið fyrir fyrirtæki og stofnanir en þessi listi er ekki tæmandi.

Starfstengd íslenska

Námskeið fyrir alla af erlendum uppruna sem vilja læra að nota íslenskt mál í starfi.
Á námskeiðinu eru kennd þau orð og hugtök sem notuð eru í viðkomandi starfi. Hvort sem um er að ræða í ferðaþjónustu, umönnun, fiskvinnslu eða iðnaði.

Námskeiðin eru kennd á vinnustað og eru sérsniðin með raunverkefnum og starfstengdum gögnum. 

Skyndihjálp

Símenntun á Vesturlandi í samstarfi við Rauða kross Íslands heldur reglulega skyndihjálparnámskeið fyrir fyrirtæki og einstaklinga. Námskeiðin eru bæði kennd á íslensku og ensku og lýkur með viðurkenningu á skyndihjálparnámi.

Á námskeiðunum er lögð áhersla á að kenna rétt viðbrögð í neyð og einfaldar aðferðir skyndihjálpar. Allt fræðsluefnið er gefið út af Rauða krossinum.

Stjórnendaviðtöl – Coaching

Námskeiðið er í formi viðtala en unnið er með hverjum stjórnenda fyrir sig í svokölluðum „coaching sessions“. Markmiðið er að stjórnendur velti fyrir sér hvernig megi bæta sig í starfi á sínum vinnustað.

  • Hvernig stjórnandi viltu vera?
  • Hvernig náum við markmiðum fyrirtækisins?
  • Hvernig náum við því besta úr okkar starfsmannahóp?

Námskeiðið er kennt á vinnustað og unnið með raunverkefni sem stjórnendur eru að fást við í daglegu starfi.

Náðu árangri

Námskeið fyrir vakstjóra og/ eða milli stjórnendur í veitinga og ferðaþjónustufyrirtækjum.

  • Hvernig náum við markmiðum fyrirtækisins?
  • Hvernig náum við því besta úr okkar starfsmannahóp?
  • Hvernig eru vaktir skipulagðar?
  • Ertu að ná rekstrarmarkmiðum?

Námskeiðið er unnið á vinnustað með raunverkefni sem vaktstjórar eru að glíma við í sínu daglega starfi.

Er þjónustan hjá þér að skila arði?

Námskeiðið er fyrir alla sem koma að sölu. T.d. starfsfólk í veitingasal, verslunum, smáfyrirtækjum og fleira.

Á námskeiðinu er farið yfir hvernig megi efla sölu á varningi og þjónustu. Farið er yfir aðferðir og leiðir við að efla sölu og gera hana markvissari.

Námskeiðin eru kennd á vinnustað og eru notuð raunveruleg dæmi og gögn á námskeiðinu.

Starfsmannahandbók

Í ferðaþjónustunni getur starfsmannavelta verið ör og breytileg eftir árstímum. Því er afar mikilvægt að kunnátta og vitneskja sé í fyrirtækinu en fari ekki út þegar starfsmaður hættir störfum. Skýrir verkferlar sem settir eru upp í starfsmannahandbók getur aðstoðað fyrirtæki í því verkefni.

Við bjóðum upp á námskeið fyrir ferðaþjónustufyrirtæki þar sem útbúin er auðlesin starfsmannahandbók með skýrum verkferlum.

Efst á síðu