Félagsliði

Símenntun á Vesturlandi býður upp á raunfærnimat fyrir félagsliða.

Matið er ætlað þeim sem hafa náð 23 ára aldri og hafa starfað í greininni í a.m.k. þrjú ár.
Fræðslusjóður greiðir fyrir þátttakendur sem hafa ekki lokið formlegri menntun.

Félagsliðanám er fyrir alla þá sem vinna við ummönnun. Starfsvettvangurinn er á félags-, heilbrigðis- og menntasviði við að aðstoða einstaklinga sem þurfa á sérhæfðri aðstoð að halda við athafnir daglegs lífs og styðja þá til sjálfshjálpar. Menntunin miðast annað hvort við umönnun aldraðra eða fatlaðra.

Þeir hæfniþættir sem þjálfaðir eru í náminu og geta verið metnir í raunfærnimati eru meðal annars:

Þekking á fötlunarfræði eða öldrunarfræði
Fagleg samskipti við þjónustunotendur, aðstandendur, samstarfsfólk og samstarfsaðila
Hæfni til að lesa í þarfir og aðstæður þjónustunotenda og geta brugðist við á faglegan hátt
Hæfni til að skipuleggja og útfæra faglegt starf og sinna fjölbreyttum verkefnum
Þekkingu á gildandi siðareglum, viðmiðum um trúnað, þagmælsku og persónuvernd
Þekking á vinnuvernd og öryggi á vinnustað
Skyndihjálp
Geta til samvinnu við annað fagfólk á stofnunum og öðrum starfseiningum

Upplýsingar um námsbrautina á heild má finna á vef namskra.is

Af hverju raunfærnimat?

Með raunfærnimati er verið að meta þekkingu sem þegar er til staðar í viðeigandi námsleið óháð því hvaðan hún kemur. Með því styttist námstíminn í samræmi við það sem þegar er lært.
Raunfærnimat er aldrei nóg eitt og sér til að öðlast réttindi en að loknu matinu fá þátttakendur leðibeiningar um hvernig hægt er að ljúka námi í greinni.

Að loknu námi:

Nám í félagsliða er sérhæft starfsmenntanám sem endar með útskrift á þriðja hæfniþrepi.

Nánari upplýsingar um félagsliðanám má til dæmis nálgast á vef Borgarholtsskóla og Menntaskólanns á Egilstöðum

Hafðu samband:

Steinar er náms- og starfsráðgjafi og verkefnastjóri í raunfærnimati hjá Símenntun á Vesturlandi og starfar þar í fullu starfi. Auk þess hefur hann tekið að sér stundakennslu og yfirferð verkefna í meistaranámi í náms- og starfsráðgjöf við félagsvísindasvið Háskóla Íslands. Steinar er með BS gráðu í sálfræði í grunninn og hefur lokið þremur meistaragráðum; MS gráðu í mannauðsstjórnun, MS gráðu í stjórnun og stefnumótun og MA gráðu í náms- og starfsráðgjöf. Steinar er með staðfest leyfisbréf sem náms- og starfsráðgjafi frá mennta- og barnamálaráðherra og hefur bæði réttindi til að leggja fyrir raunfærnimat og áhugasviðskönnunina Bendil. Steinar kom fyrst að framkvæmd raunfærnimats þegar hann var í vettvangsnámi og frá árinu 2022 hefur hann haldið utan um og leitt vinnu varðandi raunfærnimat hjá Símenntun. Það sem Steinari finnst skemmtilegast í starfi sínu er að geta aðstoðað einstaklinga við að finna sinn farveg í námi eða starfi.