Morgunkaffi á TEAMS: Kynþátta- og menningarfordómar á vinnustaðnum

Samkvæmt rannsóknum eru kynþátta- og menningarfordómar á vinnustaðnum ein algengasta vinnutengda mismununin sem tilkynnt er. Þrátt fyrir fjölbreyttar tilraunir víða um heim til þess að sporna gegn slíkum fordómum á vinnustöðum er vandinn enn útbreiddur. Það veldur áhyggjum vegna þeirra alvarlegu afleiðinga sem slík mismunun getur haft.

Kynþátta- og menningarfordómar á vinnustaðnum geta verið einstaklingsbundnir auk þess sem þeir geta verið stofnana- og kerfisbundnir. Þeir geta bæði verið beinir (augljósir) og óbeinir (lúmskir) og þeir hafa fjölmargar birtingarmyndir. Í erindinu verður fjallað um hvernig kynþátta- og menningarfordóma birtast á vinnustaðnum og hvaða afleiðingar þeir geta haft fyrir einstaklinga sem og vinnustaðinn.

Erindið byggir að hluta til á rannsókn á kynþátta- og menningarfordómum og birtingarmyndum þeirra innan stofnana Reykjavíkurborgar sem Mannréttinda- og ofbeldisvarnaráð Reykjavíkurborgar ákvað árið 2022 að gera og var unnin af Reykjavíkurborg í samstarfi við Semu Erlu Serdaroglu, aðjúnkt á Menntavísindasvið Háskóla Íslands og lauk nýlega.

Markmið rannsóknarinnar var að varpa ljósi á reynslu starfsmanna borgarinnar af fordómum til að auka þekkingu á birtingarmyndum þeirra, tíðni og umfangi með það að markmiði að bæta aðstæður og vellíðan á vinnustaðnum. Úttektin leiddi í ljós að finna má fordómafull viðhorf og hegðun, útilokandi starfshætti og vinnustaðamenningu sem umber fordóma og mismunun innan stofnana Reykjavíkurborgar.

Fyrirlesari er Sema Erla Serdaroglu, aðjúkt við Menntavísindasvið Háskóla Íslands.