Fisktækni

Símenntun á Vesturlandi býður upp á raunfærnimat í fisktækni í samstarfi við Fisktækniskóla Íslands.

Matið er ætlað þeim sem hafa náð 23 ára aldri og hafa starfað í greininni í a.m.k. þrjú ár. 
Fræðslusjóður greiðir fyrir þátttakendur sem hafa ekki lokið formlegri menntun.

Fisktækninám er fyrir alla þá sem vinna innan fyrirtækja í fiskiðnaði. Námið undirbýr nemendur undir störf í fiskvinnslu, við fiskveiðar og fiskeldi. Fisktæknar starfa við vinnslu sjávarafurða sem sérhæfður starfsmaður eða með ábyrgð á ákveðnum verkstöðvum eða vinnslu. Fisktæknir getur einnig starfað sem sölumaður hjá fisksölufyrirtæki eða fyrirtæki sem selur tæki og búnað fyrir sjávarútveg.

Þeir hæfniþættir sem þjálfaðir eru í náminu og geta verið metnir í raunfærnimati eru meðal annars:

  • Hæfni til að skipuleggja vinnslu á hráefni
  • Geta til að gera áætlanir um framleiðslu og afkomu
  • Hæfni til að þjálfa starfsfólk, kenna verklag og útskýra reglur í vinnslu fiskafurða
  • Utanumhald um kaup á hráefni á fiskmörkuðum, beint frá útgerðarmönnum eða útlöndum
  • Hæfni til að sjá um gæðaeftirlit; skoða hráefni, fullunnar afurðir og umbúðir

Upplýsingar um námsbrautina á heild má finna á vef namskra.is

Af hverju raunfærnimat?

Með raunfærnimati er verið að meta þekkingu sem þegar er til staðar í viðeigandi námsleið óháð því hvaðan hún kemur. Með því styttist námstíminn í samræmi við það sem þegar er lært.
Raunfærnimat er aldrei nóg eitt og sér til að öðlast réttindi en að loknu matinu fá þátttakendur leðibeiningar um hvernig hægt er að ljúka námi í greinni.

Að loknu námi:

Námi í fisktækni lýkur á öðru hæfniþrepi.
Nánari upplýsingar um nám í fisktækni má vinna á vef Fisktækniskólanns.

Hafðu samband:

Fyrir tímabókun eða frekari upplýsingar hafðu samband við náms- og starfsráðgjafan okkar, Steinar Sigurjónsson á netfangið: steinar@simenntun.is eða í síma: 437-2392

Steinar er náms- og starfsráðgjafi og verkefnastjóri í raunfærnimati hjá Símenntun á Vesturlandi og starfar þar í fullu starfi. Auk þess hefur hann tekið að sér stundakennslu og yfirferð verkefna í meistaranámi í náms- og starfsráðgjöf við félagsvísindasvið Háskóla Íslands. Steinar er með BS gráðu í sálfræði í grunninn og hefur lokið þremur meistaragráðum; MS gráðu í mannauðsstjórnun, MS gráðu í stjórnun og stefnumótun og MA gráðu í náms- og starfsráðgjöf. Steinar er með staðfest leyfisbréf sem náms- og starfsráðgjafi frá mennta- og barnamálaráðherra og hefur bæði réttindi til að leggja fyrir raunfærnimat og áhugasviðskönnunina Bendil. Steinar kom fyrst að framkvæmd raunfærnimats þegar hann var í vettvangsnámi og frá árinu 2022 hefur hann haldið utan um og leitt vinnu varðandi raunfærnimat hjá Símenntun. Það sem Steinari finnst skemmtilegast í starfi sínu er að geta aðstoðað einstaklinga við að finna sinn farveg í námi eða starfi.

Efst á síðu