Almenn starfshæfni
Símenntun á Vesturlandi býður upp á raunfærnimat í almennri starfshæfni í samstarfi við Fræðslumiðstöð atvinnulífsins
Fræðslumiðstöð atvinnulífsins hefur skilgreint 11 hæfniþætti sem saman mynda almenna starfshæfni á íslenskum vinnumarkaði. Þeir eru þrepaskiptir í samræmi við hæfniramma um íslenska menntun.
Um er að ræða atriði sem mikilvæg eru í atvinnulífinu og sameiginleg flestum störfum. Aukin slík hæfni auðveldar fólki þátttöku á vinnumarkaði og ýtir undir æskilega starfsþróun.
Þeir 11 hæfniþættir sem geta verið metnir í almennri starfshæfni eru:
- Aðlögunarhæfni
- Ábyrg nýting
- Árangursrík samskipti
- Jafnréttisvitund
- Mat og lausnir
- Upplýsingatækni
- Samvinna
- Skipulagshæfni
- Starfsþróun
- Upplýsingalæsi
- Vinnusiðferði
Nánari upplýsingar er að finna á vef Fræðslumiðstöðvar atvunnulífsins og á Næsta skref
Af hverju raunfærnimat?
Með raunfærnimati er verið að meta þekkingu sem þegar er til staðar í viðeigandi námsleið óháð því hvaðan hún kemur.
Hafðu samband:
Steinar er náms- og starfsráðgjafi og verkefnastjóri í raunfærnimati hjá Símenntun á Vesturlandi og starfar þar í fullu starfi. Auk þess hefur hann tekið að sér stundakennslu og yfirferð verkefna í meistaranámi í náms- og starfsráðgjöf við félagsvísindasvið Háskóla Íslands. Steinar er með BS gráðu í sálfræði í grunninn og hefur lokið þremur meistaragráðum; MS gráðu í mannauðsstjórnun, MS gráðu í stjórnun og stefnumótun og MA gráðu í náms- og starfsráðgjöf. Steinar er með staðfest leyfisbréf sem náms- og starfsráðgjafi frá mennta- og barnamálaráðherra og hefur bæði réttindi til að leggja fyrir raunfærnimat og áhugasviðskönnunina Bendil. Steinar kom fyrst að framkvæmd raunfærnimats þegar hann var í vettvangsnámi og frá árinu 2022 hefur hann haldið utan um og leitt vinnu varðandi raunfærnimat hjá Símenntun. Það sem Steinari finnst skemmtilegast í starfi sínu er að geta aðstoðað einstaklinga við að finna sinn farveg í námi eða starfi.