Menntastoðir

Námið í Menntastoðum er ætlað þeim sem stefna á nám við undirbúningsdeildir háskóla eða vilja efla hæfni sína í almennum bóklegum greinum. Auk þess má meta námið sem hluta af bóklegum greinum í iðnnámi.

Menntastoðir eru kenndar samkvæmt námskrá Fræðslumiðstöðvar atvinnulífsins. Mennta – og menningarmálaráðuneytið hefur samþykkt að meta megi námið til framhaldsskólaeininga. Námið er niðurgreitt af Fræðslusjóði.

Námið í Menntastoðum byggist upp á eftirfarandi námsgreinum:

  • Íslenska
  • Stærðfræði
  • Enska
  • Upplýsingatækni
  • Námstækni
  • Danska
  • Lokaverkefni

Námið er kennt í fjarnámi þar sem mikil áhersla er lögð á persónulega þjónustu og stuðning á meðan á námi stendur. Stefnt er að því að fara af stað með Menntastoðir í byrjun september.

Rúmlega 60 manns hafa farið í gegnum Menntastoðir hjá Símenntunarmiðstöðinni og margir hafa haldið áfram námi og staðið sig með sóma.

Er þetta eitthvað fyrir þig? Tækifærið er núna! Nánari upplýsingar gefa Signý Óskarsdóttir á netfangið signy@simenntun.is og í síma: 698 9772 og Inga Dóra Halldórsdóttir á netfangið ingadora@simenntun.is og í síma 863 0862