Raunfærnimat í Verslunarfulltrúanum

Vinnur þú við verslun og þjónustu eða hefur reynslu af því?

Langar þig til að styrkja stöðu þína á vinnumarkaði eða bæta við menntun þína? Ef þú ert orðin/orðinn 23 ára og hefur unnið verslunar- og þjónustustörf í þrjú ár eða lengur og ekki lokið formlegri menntun? Þá ættir þú að lesa áfram og kynna þér málið.
Símenntunarsmiðstöðin á Vesturlandi (SMV) býður upp á raunfærnimat í Verslunarfulltrúa, nú á vorönn. Raunfærmatið er 29 eininga starfstengt nám á framhaldsskólastigi, og þátttakendum að kostnaðarlausu.
Margir einstaklingar á vinnumarkaðnum hafa í gegnum áralanga reynslu, byggt upp umtalsverða færni en ekki lokið námi af einhverjum ástæðum. Þessir einstaklingar búa yfir raunfærni sem er hægt er að skoða og meta. Raunfærnimat er gagnleg leið fyrir fólk til þess að kortleggja færni sína og auka möguleika sína á ýmsum sviðum. Það er ferli þar sem metin er þekking og færni á ákveðnu sviði.
Matið fer þannig fram að þátttakendur skrá sig í viðtal hjá náms- og starfsráðgjafa hjá SMV þar sem farið er yfir stöðu og færni skráð. Þar næst eru matssamtöl þar sem fagaðili metur stöðu viðkomandi í faginu. Matið er staðfest með vottun og skráningu metinna eininga í Innu, skráningarkerfi framhaldsskólanna.
Við raunfærnimat í Verslunarfulltrúa eru þátttakendur metnir skv. námskrá Fræðslumiðstöðvar atvinnulífsins til 29 framhaldsskólaeininga. Markmiðið er að þeir geti stytt nám í framhaldinu og sýnt fram á reynslu og færni í starfi eða atvinnuumsókn. Eftir matið geta þátttakendur tekið ákvörðun um að ljúka við það sem uppá vantar í námi, nýtt matið sem stökkpall í annað nám eða nýtt það til að skoða hvar þeir eru staddir og hvert þeir vilja stefna með hliðsjón af því.

Nánari upplýsingar veitir Guðrún Vala Elísdóttir, náms- og starfsráðgjafi og verkefnastjóri Símenntunarmiðstöðvarinnar s. 863-9124 eða tölvupósti; vala@simenntun.is